Поздравляю Вас дорогие друзья со страстной седмицей! Страдания Господа Бога и Спаса нашего Исуса Христа, да будут всем нам во спасение!
Стояше днесь при Кресте, Пречистая Девая,
Умиленный плач сподвизаше, сладчайшии глас испущаше.
О Свете Пресветлыи, Заре присносущная,
Где твоя зайде красота, светолучная невечерняя,
Добровидныи Сыне Мой, Сладчайшая Доброта,
Где Твой вожделенный лица зрак, Краснейшии Свете Мой.
О Божия мудросте, церковная сладосте,
Что се вижу зде, преславное видение ужасное.
О Свете великии, Сладчайшии Исусе,
Где Твоя доброта сокрыся, возлюбленный Сыне Мой.
Увы Мне, Свете мой, дражайшая доброта,
Како Тя узрю, Христе царю, на Кресте Тя распинаема.
О солнце пресветлое, сокрый ныне лучи своя,
Виде своего Создателя, неправедно зде ныне страждуща.
Иосифе преблаженне, сними тело Исусово,
Положи е во гробе нове, изсечене из камене.
Где Твой зрак пресладкии, Сладчайшая Доброта,
Како погребу, Тя Сыне Мой, безсмертнаго и превечнаго.
Не рыдай Мене Моя Мати, восстану бо от гроба,
Тебе вознесу со славою, превыше всех горних и земных.
Воскресни Боже Сыне Мой, тридневно от гроба,
Взыди ко Отцу на небеса, судя и концем всей земли.
Тогда Тебе всяка тварь, небесных и земных,
Поклонится и прославит, Царя веком и Зиждителя.